طريقه تحضير مسقعه البامية بالصور
طريقه تحضير مسقعه البامية بالصور
اول شي بنقطع بصلة مربعات وبنقلبها عالنار
وبس تتحمر بنكون مقطعين لحم مربعات او راس عصفور وبنقلب اللحمة مع البصل لحد ما تنشف المية تبعه وبنضيف ماء مغلي يغطيه ونتركه على نار هادية لتستوي اللحمه
وطبعا ما بننسي نطيب اللحمة بالهيل والزنجبيل
وهون بعد ما استوت اللحمة
بهالوقت بنكون محضرين البامية
انا استخدم هالنوع
بامية زيرو مصرية
طبعا البامية الطازجة افضل بس اذا الطازجة مو متوفرة بنستخدم المجمدة
بنغسلها
وبنقليها بزيت حامي
ما بنقليها كتييير بس ليتغير لونها وبنشيلها
وبتكون عنا بهالشكل
بنشفها بورق النشاف وبنتركها لنكمل باقي الخطوات
بنفس الزيت اللي قلينا فيو البامية بنقلله لان ما بدنا زيوت كتير
بنقلب بصلتين كبار مقطعين جوانح ليدبلو
ويصيرو عنا بهالشكل ^^ بنضيف عليهم 2 سن ثوم مهروس ليدبلو مع البصل ولو عندك ريحان ضيفي بس للاسف ما كان عندي
بهالوقت
بنضيف البصل والبامية المقلية على اللحمة
بس لازم نراعي ان المرق ما تكون كتيييرة بس تغطيهم وبنقلبهم مع بعض وبنتركهم على نار هادئة
بهالوقت بنكون قشرنا 3 حبات طماطم
وعالخلاط ضربا مبرحا بس نتركها خشنة شوي مو عصير
بعدين بنضيف الطماطم على البامية وبنضيف معها ملعقة من معجون الطماطم
وبنقلبهم
بيصيرو عنا بهالشكل
بنضيف البهارات المشكلة ومربع ماجي والملح
بهالوقت بنقطع حبة فليفلة صفراء صغيرة
وبنضيفها مع المزيج
انا نسيت اصور هالخطوة للاسف
والفليفلة ما بنضيفها من البداية علشان ما تدبل كتير
اطيب تكون شوي فيها قرشة مو دايبة عالاخر
بنذوق الملح وبنسكب الخلطة كللللللها بصينية بايركس
وبتكون عنا بهالشكل
بندخلها الفرن من تحت لمدة 20 دقيقة لتتسبك
وبعدين بنحمرها من فوق
وبتكون صارت بهالشكل
صورة ارض جو
بنقدمها ما خبز او رز ابيض بالشعيرية
وانا قدمتها من رز ابيض بالشعيرة
وصحن سلطة حضراء
و بنقدمها
المصدر: منتدى منتديات عالم الزين - من قسم: مطبخ عالم حواء - صور اكلات جديده - مطبخ منال العالم - طبخات بالصور - وصفات طبخ بالصور
'vdri jpqdv lsrui hgfhldm fhgw,v
via منتدى منتديات عالم الزين http://ift.tt/1obgQJv
Aucun commentaire:
Enregistrer un commentaire