خواطر وطنيه ما تخافشى يا مصرى
ما تخافشى يا مصرى بلدك أكيد حتقـــوم
حكايتك حصرى حتكون غنوة كل يــــوم
خلاص عرفنا البداية صحينا من نــــــوم
وقتك و جهدك طبعا ليه لـــــــــــــــــزوم
قصة كفاحك صورة صورة ف ألبــــــوم
ليه تخاف و أنت أصل الحضــــــــــــارة
علمت كل الدنيا طب و فن و عمـــــــارة
من يومك أسد و ليك جســــــــــــــــــارة
بإيدك ترجع مجدك و تكون ف الصدارة
ف الحق صوتك عالى ولا حد يقدر يلوم
يمكن تعبت أه تعبت كام سنـــــــــــــــــة
بكره أحلى لما نبنى و نعلى اللى أتبنــى
نتعب شوية عشان نعيش ف الهنــــــــا
نعمل بلد فخر لولدنا و بنتنـــــــــــــــــــا
لا نخاف خفاش ولا أى بـــــــــــــــــــوم
أنا عارف إن المشوار يمكن طويــــــــــل
لكن بخطوة نبدأ لو حتى ألف ميــــــــــــل
بالمحبة و العمل و العلم أكيد الدليـــــــــل
نبنى وطن ما يعرف كلمة مستحيــــــــــل
نيتنا صافية سمانا صافية من غير غيوم
المصدر: منتدى منتديات عالم الزين
via منتدى منتديات عالم الزين http://ift.tt/1BQq5Bk
Aucun commentaire:
Enregistrer un commentaire