تجميعي مجموعه قصائد اشعار حسينية مكتوبة

تجميعي مجموعه قصائد اشعار حسينية مكتوبة

قصائد اشعار حسينية ، قصائد اشعار حسينية مكتوبة ، قصائد اشعار حسينية حماسية ، قصائد اشعار حسينية قديمة ، قصائد اشعار حسينية حزينة جديدة


هضموني هضموني يا بوية هضموني
سكنه العزيزه وسلوته يا بويه هضموني


يا بوية شحجيلك اشصارب حالي من ودعتني بويه
لا محنا واثنين وتمر بغالي يا لدلالتني بويه
اهل اليتيمة اضلت لا والي يا ليتمتني بوية
يتموني يتموني من زغري يتموني
جيش الحرم من شوفتك يا بوية هضموني


لمن رجع خالي المهر صديتة بالدم تخضب بوية
بويه ومثل بار الكطه تلكيته الطم وانحه بويه
خبرني طاحن يا كثر ناديته جبدي المصوب بو يه
صابوني صابوني من جابد صابوني
يوم الي صابو جبدتك يابويه هضموني


انا ادري ما تكدر ياابن حامي الجاره تسمع اعتابي بويه
ريتك جنت واتعاين بحالي اشصاريكلب مصابي بويه
من شبتي وصط الخيام بويه النار حركت اثيابي بويه
ضربوني ضربوني يابويه ضربوني
لو اعتنيت بجتثك يابويه هضموني



يا والدي جم لو عا لد هدمي الحيل مرت عليه بويه
طوف المصيبه وهضم يابويه وليه بالغاضريه بويه
يانحمل ياابن عده وبين الخيل وشكف بيديه بويه
بنتوني بنتوني والاثر بنتوني
ريتك تعاين طفلتك يابويه هضموني


اصعب مصيبه الهيجت الامي والكلب مفجوع بويه
راسك اخدت عزتي جدامي والراس مرفوع بويه
كبل العيوني التحب كلب الدامع دم يبجي والدموع بويه
ذبحوني ذبحوني جان ذبحك ذبحوني
ناس اللي حزوا ركبتك يابويه هضموني


موقف اللي شيب دليليه والراس واشلون اوصفه بويه
بنت النبي وجد صداقع يالناس يااهل وسفه بويه
طحت وصحت جا وينه عمي العباس صاحب الكلفه بويه
شتموني شتموني ياعمي شتموني
ما اضن تقبل ديرتك يابويه هضموني


مجلس يزيد اصوبتني اسهامه خدتل الضنه بويه
خدوني عند اهل الغدر جدامك طلبو ني منك بويه
يالراسك الوصط الطشط جدامي جنت اصف دمه بويه
بعيوني بعيوني من شفته بعيوني
بالعصه يضرب شفتك يا بويه هضموني


علي ياابني دهر دبني على امصابك على امصابك

اكصدت يمك صحت باسمك يضي عيني علي ياابني
وسف تالي بلا والي تخليني علي ياابني
جنت يمي تشد عزمي وتباريني علي ياابني
اختلف وضعي صبح دمعي يسليني علي ياابني
انكطع ضني وجمر حزني على امصابك على امصابك

صحت ويلي انهدم حيلي وبكيت احبي علي ياابني
الدمع يجري اذكرت سهري وهضم تعبي علي ياابني
يالاكبربس مصابك مس هرش كلبي علي ياابني
كطعت الضن ازيد الون واخد عتبي علي ياابني
غبت عني وجمر وني على امصابك على امصابك

كرب موتي ارتفع صوتي وصحت وينك علي ياابني
شفت غربه ومحن صعبه عكب عينك علي ياابني
اضن تدري اتلفت عمري على اسنينك علي ياابني
الجسم دامي ومتت ضامي كبل حينك علي ياابني
الضهر محني ابكبر سني على امصابك على امصابك

ارتفع نوحي اخذ روحي العشت بيها علي ياابني
انهدم داري وبعد ناري اشيطفيها علي ياابني
الهضم والدل بكيت احمل مراميها علي ياابني
الك هطمي وعلل جسمي اشيد اويها علي يابني
تلوعني وتضيعني على امصابك علي يابني

اون وانحب الك تلهب الف جمره علي ياابني
الجسم مدمي طحت مرمي على الغبره علي ياابني
الكلب لجلك عكب جتلك خلص صبره علي ياابني
ابدمع ينزف الك تذرف دمه الغبره علي ياابني
تصوبني وتشيبني على امصابك على امصابك

كثر نحبي اخذ كلبي الغبت عنه علي ياابني
الكلب يسعر بعد مكدر اخمدنه علي ياابني
مصاب الطف ميتوصف شوصفنه علي ياابني
لفاني الهم الدمع من دم اصبنه علي ياابني
رحت مني وكثر حني على امصابك على امصابك

جرح جبدي يضل يدي ولا يشفه علي ياابني
ضعت بعدك محن فكدك علاي كلفه علي ياابني
يسح دمك يبعد امك الف وسفه علي ياابني
ابكطع نحرك يشب جمرك ولايطفه علي ياابني
تخيبني وتسيبني على امصابك على امصابك





وينك يا ابني وينك يا ابني *** ضليت اصرخ وينك يا ابني
يا لا كبر باسمك ناديت *** جم لوعه بكلبي خليت

وينك يا ابني

ياشهكة رو حي المحتارة *** ياصدمة كلبي المهموم
فكرت ابكل شي ايمر بيه *** وما فكرت بهدا اليوم
اصبر مالومك يوليدي *** يالاكبر شيفيداللوم
انه اشكف رميات الغربه *** وانت امودر بين الكوم
يمعذبني يمعذبني *** بنار امصابك يا مغذبني
جم دمعة لغكدك هليت *** جم لوعة بكلبي خليت

وينك يبني

يارفعة راس امك يبني *** ياروحي الراحت وياك
نالك جف الوت من ايدي *** وساحة حربك وداك
لو اعصرلك كل رمعاتي *** ما اخمد جمرة فركاك
وبيا عين اتشوفك امك *** متودر مابين اعداك
لتخبيني لتخيبني *** يصعب فكدك لتخبيني
انطر جيتك ختليت *** جم لوعه بكلي خليت

وينك يبني

ياما جنت اركاك بكلبي *** وياضميتك بالعين
وعيوني السهرانه اتحراسك *** واحسبلك يوليدي اسينين
عايش بظنوني وتفكبيري *** وما حسبت احساب البين
وين اسنيني وسهر عيوني *** وذيج اتعابي صارت وين
غايب عيني غايب عيني *** لحظة ولنك غايب عيني
سهري وتعبي اشلون انسيت *** جم لوعة بكلبي خليت

وينك يبني

وين الايام اللي راحت *** يوليدي وين الاتعاب
تاليها بغربه اتخليني *** اتجازيني ابلوعات امصاب
واشلون العين السهر تلك *** بسهام افراكك تنصاب
امن المصرع كوم وجاوبني *** اشحال الام التفكد شاب
رايح مني رايح مني *** سلوة عمري ورايح مني
بامرك يوليدي احتاريت *** جم لو عه بكلبي خليت

وينك يابني

حيرني امصابك حيرني *** وفكدك ماخذ مني الروح
ياريت الدم فاض ابنحري *** ولاانضر نحرك مذبوح
والام التفكد واحدها *** يالاكبر لاوين اتروح
ارحمني وارحم دمعتي *** وارحم دلالي المجروح


يمشيبني يمشيبني *** وين اتوجه يمشيبني
كبلك اتودر ياريت *** جم لوعه بكلبي خليت

وينك يبني

لحضات افراكك يوليدي *** احسبهن كل لحضه ابعام
صارت ضلمه الدنيه ابعيني *** وبعدك لامرت ايام
واشخلت هالدنيه ابكلبي *** وشعافت غير الالا م
بالطف نثروا زهرة عمرك *** عمر امك عكبك لادام
تسمع وني تسمع وني *** ريتك حاضر تسمع وني
من شفت دمومك ونيت *** جم لوعه بكلبي خليت

وينك يبني

يالاكبر رايح من ايدي *** ولنك بين ايد الاجال
حالك شفته وذوب كلبي *** عميه او لا شوفن هلحال
وين الروح التحمل صبرك *** ماضل عند امك دلال
لا دامت هالدنيه اعليه *** يوليدي وعمرك لاطال
شيصبرني شيصبرني *** يبني اخلافك شيصبرني
بغيابك يا سور البيت *** جم لوعه بكلبي خليت

وينك يبني

دكو الصدر يا شيعه ويلى واويلاه
على الحسين ابن علي لا اله الا الله

طلعت الحرم من الخيم وايلى واويلاه
طلعتت تنادي يا حسين لااله الا الله

كطعو كفوف العباس ويلي واويلاه
الله عنده يجازيهم لا اله الا الله

ذبحو عبد الله الرضيع ويلي واويلاه
الله عنده يجازيهم لا اله الا الله

زينب تنادي العباس ويلي واويلاه
بيت العدى سبانا لا اله الا الله

هذا حسين مولانا ويلي واويلاه
جسمه على الترى مطروح لا اله الا الله

امامكم يشفع لكم ويلي واويلاه
يشفع لكم في جنته لا اله الا الله






جمال ياحادى الضعن ريضنى ما اكدر
وحسين نايم على الرمل وينك يا حيدر




ياحسين يا فخر العروبة وفخر الاسلام
من يوم دكت كربلاء وعيونى ما تنام
يوم القيامة تنرفع مدمية الاعلام
ما يضيع دمك سيدى الله اكبر





بيكم يا سادتى العرب احنا افتخرنا
واللى يحبكم سادتى يدخل الجنة
واللى كطع راس الحسين معروف عدنا
خسران دنيا واخرة وبنار جمار





من يوم جرحك يا على مدمية الكلوب
والنوب دكت كربلاء وحسين مصيوب
جسم الشريف اللى وكع بالحبل مسحوب
مجزوز راسك سيدى الله اكبر





اشرار داروا على الحرم واسمع خبرهم
حتى الرضيع اللى مهد ما خلص منهم
عترة نبينا المصطفى مسبية عدهم
يا ويل حال اللى امر وبهاى قرار





ياحيف راسك على الرمح على الوطية
وانكصت ايدى الى كصطك يابو الحمية
ملعون كلمن قاتلك صبح ومسية
شيكول باجر للنبى لو صار معشر





لو صبت اعيونى دمعة كلبى تفطر
دم الشريف اللى سلب عيونك حيدر
انا الحسين اللى فزت على الضلم واكثر
نلت الشهادة والنبي وبهاي بشر





شنو عذركم يا زلم يوم القيامة
سبط النبي سيد البشر على التربه هامه
مكطوع راس الحيدري وسفه وندامة
شيكول كل هاي البشر كدام حيدر

المصدر: منتدى منتديات عالم الزين

via منتدى منتديات عالم الزين http://ift.tt/1SEt50Z