شعر ابيات قصائد شعريه في الملك سلمان 2017

شعر ابيات قصائد شعريه في الملك سلمان 2017

الملك سلمان ، قصائد في الملك سلمان ، شعر في الملك سلمان ، اشعار في الملك سلمان ، قصائد في الملك سلمان بن عبدالعزيز ، قصائد في الملك سلمان بالفصحى ، قصيدة سكنانا في الملك سلمان

الملك سلمان بن عبدالعزيز ، هذا الإسم الذي يزيد من هيبة الشعر والحرف ، ملكٌ سكن في قلب شعبه وشعوب العرب والمسلمين ، ملك حزمٍ وعزمٍ حاولنا الاحتفاء به على طريقتنا في مجلة أنهآر فجاءت فكرة الأبيات المهداة من قلوب المتابعين من الشعراء لهذا القلب العظيم وهذا الملك الفارق ..

هنا مشاركات الأصدقاء معبرين بمشاعرهم عن هذه الصورة الملكية والمجال مفتوح لاضافة مشاعركم ايضا في نهاية المشاركات ..

~

الشاعر حماد الجهني :

‏‎من نوانا شر بـ يدفع ثمن
السعودي رافع الرأس وعزيز

ماهي عن مجهول لا بالله عن
سيدي سلمان بن عبدالعزيز

~

‏‎الشاعرة ، غلا :

كل المواقف تثبت أنّـه هيبة
عزّام قدّم لـ الوغى ما يملك

قم يالعدو جرجر ذيول الخيبة
سلمان درع المملكة واقف لك

~

الشاعر ناير العازمي :

لبيه ياسلمان سقم المعادين
ولبى الوطن لبيه يامحمدينا

ياسيدي خادم بيوت الحرمين
يادرعنا لاضاقت الارض فينا

~

الشاعر فالح الحربي :

‏‎هذا مليك الحزم والعزم سلمان
ياحي وقفاته وياحي طاريه

جنن ملوك الفرس وأذناب طهران
ومن وقفته كل العرب تعتزي فيه

~

الشاعر سلطان بن سعيد :

تكبر بيوت الشعر ويزيدها شان !
وتكبر به الهقوه وتكبر به أحلام

قايد لنا ، قايد بنا ، عزّ ويمان
الله يعزّه ، في جهاده بـَ الأسلام ..

~

الشاعر سلطان العتيبي :

‏وجهك:”صباح الخير”في صبح مظلوم!
لانه ؛ بعد ربه ” يشوفك امانه ”

ياوارث العزه .. سعد كل مهموم
سيفك : خصيم الظلم ؛ يمنع أوانه

~

الشاعر / بقايا حرف :

عِجْز القلم يوصف و ينقش حروفه ،
كلّ القطوف اليانعة لاجْلك تْذوب !

سلمانِ مِنْ باسك عدوّك تشوفه
شمسه ظلام ودايم الوقت بغْروب!

~

الشاعر / أبو المجد الحريري:

‏
يا مليك الخـير يا الاب العطوف
يا البدر والباقي من حوله نجوم

يا الزؤام اللي مرغ خنز الانوف
يا الحزوم الي حزم امر الرخوم

~

الشاعر مشاري المرشد :

يا قايد احلام الفقارى تراها
من بسمتك تمطر سماهم مزونك

وان عوّودت للشر جنودك فداها
تاقف لجل حرمة وطنها ودونك

~

الشاعر فهد جابر / azam

‏ابتسم يا عز واضحك يا ملك
المواقف بيّنه برجالها

اشهد انه من يعاديكم هلك
خيّل العوجا وانا خيّالها

~

الشاعر علي العتيبي :

‏‎قبلك تواريخ العرب كلها كان
ماضي ولا نقدر نجيب الجدايد

والحين صار العز والفعل سلمان
شبيت للتاريخ بيدك وقايد

~

الشاعر بدر الحداد :

‏‎يا ابو فهد يا فخرنا يا عزنا
يا تاج فوق رؤوسنا تسلم لنا

انت الحزم وبنحتفي بك كلنا
يمناك حنا خذ ودرعك روحنا

~

الشاعر خالد بن مطران :

مهما يجور الوقت لو صار ماصار
يبقى الملك سلمان عز الشعوبي

طبع الشهامه فيك يانسل الاحرار
يلي تعيد المجد عقب الغروبي

~

شاعر حر :

‏‎سلمان عز وطيب رجل الميادين
عز العرب والدين نسل الأساطير

الهيبه اللي فيه ورث السلاطين
شال العرب من تحت ناب المعاذير

~

نسّاي :

هذا المليك الي له العز والشان
وهذا الامان الي غدى الامن زايل

دنق خشوم الفرس واذناب طهران
سلمان حزماً لا غدى الوقت مايل

~

عشقي هلالي :

‏‎الله يديمك عز على روس الاشهاد
ويجعل يمينك سابقه في عطاها

حنّا جنودك نوقف بوجه الانداد
والمملكة روحي ودمّي فداها

~

الشاعر مالك عجارمة

‏من عيونك نظرةٍ تسعف مجاريح القلوب
يا ملك يابن الملك ، سلمان يا عز العرب

آتنفس طيبتك بالضيق لا هب الهبوب
أشر بايدك وحنا يا ملك جند الحرب

——

المصدر: منتديات عالم الزين

via منتديات عالم الزين http://ift.tt/2ggqfyi