مواصفات تقرير اسعار جنسس 2016 كامل

مواصفات تقرير اسعار جنسس 2016 كامل

مواصفات تقرير اسعار جنسس 2016 كامل مواصفات تقرير اسعار جنسس 2016 كامل

قصتي واحتياري بالسيارات


بالبداية كان معاي لكزس 400 موديل 98 .. وكنت كارف ام امها

عاد ويجيك ذاك اليوم ويجي خويي مع كومارو RS 6 سلندر .. ويتطارح معي ويطرحني (( حاجة طبيعيه ))

عاد من بعدها طقت براسي اني اشتري تشارجر هيلكات وادق راسه

رحت المتحده وسألتهم عن التشارجر وقالوا لي تدفع عربون 5000 وتستلمها شهر 8 ميلادي

هالكلام كان شهر 3 ميلادي

احترت وفكرت وبحثت عن السياره بالانترنت .. بس كان سعرها واصل للسعوديه 320 تقريبا .. وهي سعرها اصلا 240 الف .. ليه ادفع زياده 60 الف

فكرت وبحثت كثير بالسيارات

فكرت بالمزراتي .. فكرت بالجاكور .. فكرت بالمرسيدس E فكرت باللكزس جي اس

بس انا كنت ابحث عن سياره مكينتها قوية وفخمة وتريحيني وتعطيني كل اللي ابغاه

ما يهمني اسم السياره

عانيت شهر كامل وانا ابحث

هذاك اليوم جاني ارق وقعدت ساعتين عالسرير افكر

وفجأة افتكرت الجينسس .. وعلى طول اقوم من السرير وادخل اليوتيوب واتفرج مقاطعها والتجارب

من بعد ما شفتها عفت كل السيارات وقلت ماني ماخذ الا جينسس

طبعا بعدها كانت معاناة للبحث عن السيارت V8

لكن يسر الله وجبتها من المجدوعي من الدمام (( احسن مواصفات بين كل الوكلاء ))


------


عالعموم نرجع لمحور حديثنا عن السياره

هذي بعض الصور



ماشاء الله






















السياره لها معي شهر الان وماشي فيها 3600 كيلو

تطارحت مع خويي راعي الكومارو .. والحمدلله طرحته قومة وخط (( من بعدها الرجال كره سيارته وناوي يبيعها حاليا ))

السياره معي ممتازه جدا ماشاء الله ولا شايف فيها اي عيب

ومريحتني من ناحية التبريد في الظهر

السياره كشخة بقوووة

السياره شبابيه

انا اشتريت السياره وما كنت اظن انها بتكون ملفته للانظار

من المواقف اللي حصلت لي

انا من الناس اللي يحب يستعرض بالسياره .. فاجي اوقفها معرضه في اي مكان وانزل منها اتكي بعيد

اشوف ناس يجون يوقفون سياراتهم جمب سيارتي ويصورون


كنت ماشي بخط الماصوره .. خويي قالي شغل النعاس وشوف الناس وش بيسوون لك

شغلت النعاس وما اشوف الا دقدقة بواري .. وناس يدقون لي التحية واقسم بالله اني ما اكذب

بالمدرسة في ناس ما اعرفهم واول مرة اشوفهم .. صاروا ماشاء الله يسلمون علي ويسألون عن احوالي



طبعا السياره موفره لك كل اللي تبغاه

مكينة قوية 8 سلندر 420 حصان

شاشات امامية وخلفية (( اخوياي اذا ركبوا معاي يتهاوشون عالمقاعد الخلفية بعد ما كانوا يتهاوشون على الامامية في اللكزس ))

انظمة ترفيهية

امان عالي (( 5 نجوم في الامان والسلامة ))

كل شئ بالسياره بضغطه زر

الجلنط بضغطه زر تفتحه وتصكه

الشنطة بضغطه زر تفتحها وتصكرها

الابواب شفط والشنطة

بانوراما (( بانوراما كاملة وليست فتحتين امامية وخلفية زي بعض السيارات ))

كل المقاعد بها تبريد وتسخين

المقاعد الخلفية متحركة كهرب

العالي والواطي زنون

كشافات الضباب زنون

الانارة الداخلية نفس لون الزنون (( ما اعرف وش اسمها ))

حتى لمبات الريوس زنون


هذا اللي يجي في بالي حاليا



-- عيوب السياره

المشاكل اللي واجهتني

اذا فتحت الشماسية .. الرؤية تصبح ضيقة

عند اللف لجهة اليمين مثلا .. جهة الشارع اليمنى ما اشوفها زين ولازم ارفع راسي واقدم

فتحة السقف اذا بغيت ارفعها لاعلى (( ارفعها مو افتحها )) .. اقعد اضغط غالزر مرتين او ثلاث مرات عشين يستجيب وترفع الفتحة .. عكس اذا فتحها كاملة من ضغطه وحدة تفتح

(( ياليت تكون النقطه واضحه ))




خلاصة التجربة ونصيحتي

اللي بياخذ السياره ومتردد .. ياخذها وبيدعي لي

خصوصا ضمانها 5 سنين ما تعبي الا بنزين كل شئ على الوكالة

اذا بتاخذ لون غامق خذ الداخلية بيج او هلوز

اذا بتاخذ لون فاتح خذ الداخلية جملي تراها دمار


الموضوع منقول فقط !!

المصدر: منتديات عالم الزين

via منتديات عالم الزين http://ift.tt/22RRm9L