طريقة عمل سمك فيليه مقلي 2014

طريقة عمل سمك فيليه مقلي 2014

المقــادير:



4 قطع سمك فيليه

ملعقة كبيرة بصل بودرة (أو بصل مفروم)

ملعقة كبيرة ثوم بودرة (أو ثوم مفروم)

2 ملعقة صغيرة بشر ليمونة

½ ملعقة صغيرة زعفران

ملعقة صغيرة كزبرة جافة

ملعقة صغيرة أوريجانو

½ كوب عصير ليمون

ملعقة صغيرة كركم

ملعقة صغيرة شطة

ملعقة كبيرة بابريكا

ملح وفلفل أسود

½ كوب زبدة



الطريقة:



1- سيّحي نص كمية الزبدة في طاسة صغيرة مع الكزبرة والكركم والبصل البودرة والثوم البودرة والزعفران والأوريجانو والشطة والبابريكا وملح وفلفل حسب الرغبة، وقلبيهم لغاية ما يختلطوا مع بعض وارفعيه من على النار.



2- حطّي الخليط في طبق وضيفي عليه ملعقة بشر ليمون وقلبيهم مع بعض، وبعد كده وزّعيه كويس بإيديك على السمك من الجانبين، وسيبيه في التلاجة لمدة ساعة علشان يتّبل كويس.



3- سيّحي باقي كمية الزبدة وحمّري فيها السمك لغاية ما يبقى لونه دهبي أو لغاية ما يستوي، وانشلي بعد كده السمك من الطاسة من غير الصوص اللي نزل منه وحطّيه في طبق.



4- حطّي عصير الليمون على صوص السمك اللي في الطاسة، وضيفي عليهم ملعقة بشر الليمون التانية وقلبيهم مع بعض، وارفعي بعد كده الخليط ده على النار وتبّليه بكمية ملح مناسبة لو احتاج، وسيبيه لغاية ما يغلي وقوامه يتقل شوية.



5- رصي قطع السمك في طبق التقديم وصبّي فوقه خليط الليمون وقدّميه مع رز السمك.

المصدر: منتدى منتديات عالم الزين - من قسم: مطبخ عالم حواء - صور اكلات جديده - مطبخ منال العالم - طبخات بالصور - وصفات طبخ بالصور

---

'vdrm ulg sl; tdgdi lrgd 2014

via منتدى منتديات عالم الزين http://www.al-zin.com/vb/t174825.html