طريقة عمل سندوتشات كبدة اللذيذة

طريقة عمل سندوتشات كبدة اللذيذة

الكبدة من الاكلات السهلة وسريعة التحضير و لا تاخذ وقت علي النار وانما الكبدة التي تحتوي علي عناصر مهمة لجسم الانسان ومهمة للاطفال كمان

طريقة تحضير:-

1-لازم نسيب الكبده فترة فى الفريزر بسيطة حتى تكون مجمده بشكل متوسط ليسهل تقطيعها

(لانها لو مش مجمده هتتعصرفى التقطيع ويبوظ طعمها)

2-نقشر قشرتها الخارجيه بالسكينه

3-نقطعها شرايح رقيقه خالص

انا باقطعها في الفود بروسيسور بسلاح تقطيع الشيبسي بس عندى اتنين سميك ورفيع انا قطعتها بالسميك لان الرفيع عندى رقيق جدا

4-نتبلها

ثوم

ملح مش كتير

كمون

فلفل اسمر

فلفل اخضر بارد

وشطه خضراء

وخل كتييييييير

انا بقلل الملح واكتر الخل علشان تبقي مسكره

والطريقة هذه لا يوجد بها بصل لانها تختلف عن طريقة عمل الكبدة الاسكندرانى بالبصل

نتركها في التتبيله تقريباً ساعتان.

طريقه الطهى مهمه جدا لانها هى اللى هتديكى طعم سندوتشات الكبده بتاعه الفلاح

طبعا كنا بنحط الكبده ف زبده وزيت ونسيبها تستوى ونقلب لااااااااااااا كده هتتفل مننا وتفقد لونها الفاتح وبتقعد كتير ع النار بتفقد طعمها الحلو

الطهي و طريقة عمل الكبدة زي المطاعم اللذيذة:-

كأننا بنحمر شيبسي بالظبط نحط الزيت فى كسروله صغيره ويكون ارتفاعه تقريبا اقل من 2 سم

هنسخن الزيت كويس

وناخد جزء بسيط من الكبده بالمعلقه ونطشها فى الزيت وما تمليش الكسرولة وهذا سر كبدة الشارع التي نعشقها.

وتقليبتين لونها هيفتح و تسيبيها تغلي ثوانى وتشليها وما بياخدش وقت ابدا ثوانى على النار.

وتضعى كمان جزء وهكذا لغايه ما نخلص المقدار

الباقي من صوصها والزيت نرشه عليها بس انا ما بحطش كل الزيت علشان الدسامه

ونعصر لمونتين عليها حسب رغبتك

المصدر: منتديات عالم الزين

via منتديات عالم الزين https://ift.tt/30KAaV4